Toto'

Testo di Luciano Somma

Musica e arr. di Peter Ciani

Canta Peter Ciani

I
Tu 'ncopp''o palcoscenico
si' stato n'attrazione,
'o rre d''o munno comico
pe' tre generazione.
Verace figlie 'e Napule
n'he dato buonumore,
sapive fa miracule
cu' l'arte toia d'attore.
Ritor…
Mado', che Ddio 'e cervella
tenive comme autore
pe' scrivere : 'A LIVELLA
e 'O FINE DICITORE.
Pe fa na MALAFEMMENA
ch'e' nu capolavoro,
canzona chiena 'e semmena
ch'ogge se canta ancora.
II.
A sta citta che campa
'a sempe 'int''o turmiento.
tu c'he lassate 'a lampa,
nu sciummo 'e sentimento.
n'eredita' 'e surriso
nu testamento 'e core
na luce 'e pizzo a rrisa
l'oro 'e nu 'nduratore.
Secondo Ritor…
E pe ringraziamento
t'avimmo dedicato
TOTO'!.. Nu monumento
tutto pe tte, allustrato!
Napule e' na famiglia
aunita 'int''o calore
e tu ca lle si' figlio
nun puo' muri', nun muore.
Orch….. e per finire…..
Pe fa na MALAFEMMENA
ch'e' nu capolavoro,
canzona chiena 'e semmena
ch'ogge se canta ancora.