NA LACRIMA 'E DIO

Testo di Luciano Somma

Musica di Antonio Altieri

Canta ANTONIO ALTIERI

I
Neve ca ce sta pe' ll'aria
Me mette 'ncuollo na malincunia
So gialle 'e ffronne p''a via
So triste comme a 'o ricordo 'e te.
Chesta vernata è longa…longa assaje
Tutto se veste 'e griggio attuorno a mme!

'E n'ammore ca era d''o mio
Mo è rimasto na lacrima 'e Dio
Ca nu viento maligno s'arrobba
E s''a porta luntano…luntano…
Comm'allucca stu core 'int''o pietto
Cu' na smania ca nun vo' passà
E na musica sona a dispietto
Trullallero lallero lallà…
E chisà tu addo staje, mo che faje,
si ogni tanto te vene 'e penzà
tutto chello ca è stato tra nuje
ca 'o destino ci'ha fatto spezzà!
'e n'ammore ca era d''o mio
mo è rimasto na lacrima 'e Dio
e na musica sona a dispietto:
trullallero llallero lallà…

II
Juorne senza n'ombra 'e sole
notte 'e penziere abbracciato 'o cuscino …
sonno 'e tenerte vicino
ma 'a pecundria po me fa dannà.
Diceno si partuta, nun sia maje!
T'aspettarraggio sempe sempe ccà!