Testo di Luciano Somma

Musica di Peter Ciani

e Mario Rosario Maglione

Arrangiamento MICHELE CORDOVA

Canta MARIO MAGLIONE

GESU'…! GESU'…!
I

'O calvario d''e scale 'e nu vico ,
pare quase tuccassero 'o cielo ,
tanti vasce cu''e spine e na Croce
ch'è pesante ma s'adda purtà .

Gesù nascette a NAPULE
O nun se po' spiegà
L'anema 'e chistu popolo
L'affanno pe' campà .

Gesù nascette a NAPULE
Scigliette sta città
Pe' fa cchiù 'e nu miraculo
Pe' nun l'abbandunà .

Sta ggente campa cu' poco o niente
Ma nun s'arrenne , torna a sperà ,
notte pe' notte , juorno pe' ghiuorno ,
na vita sana cu' l'onestà.

Gesù nascette a NAPULE
O nun se po' spiegà
L'anema 'e chistu popolo
L'affanno pe' campà !

II

'A ferita d''o core 'e sti viche
troppo antica , sengata 'e dolore ,
po' sanarse cu' n'attimo 'e sole
chesta è 'a forza 'e sta bella città .

Ritornello:
Gesù nascette a Napule ecc.ecc.

Finalino a sfumare GESU'…! GESU'…!
Comme se po' spiegà!