FUOCO ARDENTE

Testo di Luciano Somma

Musica di Antonio Altieri

Canta ALFREDO DIANA

I
Dint'a sti quatto mura ogni semmana
Nuje comme a duje mariule ce 'ncuntrammo
Vase e carezze nuje ce l'arrubbammo
Sempe annascuse 'a chi ce po' 'ncuccià!
Dint''o cchiù meglio abbraccio ce perdimmo
Io e te simme tutt'uno: immensità!

E' fuoco ardente sta passione
Ca nun ce lassa manco nu mumento
Ch'abbrucia dint'a chesti vvene
E appiccica 'mpietto chistu sentimento
Nuje dint''all'aria, 'int''e respire
comme all'ossiggeno p''e core
è n'alba chiara dint''o nniro
'a luce ca po' dà st'ammore.
Stu fuoco ardente 'e vvote è doce
È comme 'o mmele pe' sta vita mia
Pure si spisso mette 'ncroce
E nun se move maje a pietà!

II
St'ammo 'ngannanno a chi ce sta vicino
Cercanno 'e nun sfascià sti ddoje famiglie
Tenenno 'o pizzo 'a rrisa e 'mpietto 'e spine
Pe' nun 'o fa capì a ccumpagne 'e ffiglie.
Ma dint'a sta criscenno sta paura
Ca primma o doppo nuje ci'amma lassà!