Giorgio Baffo

Senti, pittor, depenzime una donna
senza camisa, come Dio l'ha fatta,
coi cavei biondi, e colla coa destata,
e co un fioretto in testa alla barona;
che la gabbia un visetto da Madona,
co una tettina bianca, e delicata,
che se ghe veda un tocco de culata,
e quanto che se pol anca la mona.
Famme, te prego, una cosetta amena
d'un bianco velo, che la ghe sia sora,
e che se veda, che la se la mena;
che la sporza tutta quanta in fora,
e dalla fazza de dolcezza piena
cognossa tutti quanti che la sbora.