Raffaele Petra di Caccavone

A'' confessione ''e Taniello

Taniello, ch''ave scupole
mo che se vo'' nzorà,
piglia e da Fra Liborio
va pe se confessà.
«Patre», le dice, «i'' roseco
e pe nniente me mpesto;
ma po'' dico ''o rosario,
e chello va pe'' cchesto...

Patre, ''ncuoll''a li ffemmene
campo e ''ncopp'' ''o bburdello;
me sento messe e ppredeche,
e chesto va pe'' cchello...
Jastemmo, arrobbo... ''O prossimo
spoglio e le dongo ''o riesto;
ma po'' faccio ''a llemosena,
e chello va pe'' cchesto...
E mo, Patre, sentitela
st''urtema cannunata:
la sora vosta, Briggeta,
me l''aggio ''nzaponata...»
Se vota Fra Liborio:
«Guagliò, tu si'' Taniello?...
I'' me ''nzapono a mammeta,
e chesto va pe'' cchello!...»